Nominado si U.S. President Donald Trump alang sa 2025 Nobel Peace Prize tungod sa iyang papel sa napadali nga kasabutan sa ceasefire tali sa Israel ug Iran human sa “12-day war.”
Sumala sa report sa usa ka local news outlet sa Amerika, si U.S. Representative Buddy Carter ang opisyal nga nagsumti sa nominasyon ni Trump.
Sa iyang sulat sa Nobel Committee, gidayeg niini ang gihimo ni Trump nga nagresulta nga mapugngan ang halapad nga giyera sa
Middle East.
Misamot ang tensyon gumikan sa pagpamombomba sa Israel sa nuclear facilities sa Iran.
Nadugangan ang kagabot gumikan miapil sa giyera ang US kung asa giatake nila ang tulo ka pasilidad nukleyar sa Iran.
Giatake usab sa Iran ang usa ka base militar sa Amerika nga nahimutang sa Qatar isip tubag.
Matud pa ni Carter, si Trump ang nahimong yawe aron matigayon ang ceasefire
Sa pagkakaron, wala pa’y opisyal nga pahayag nga gipagawas ang Nobel Committee kabahin sa maong nominasyon.
