Gidayeg sa Presidente sa US nga si Donald Trump ang dakong seremonyas sa China alang sa ika-80 nga anibersaryo sa pagtapos sa Ikaduhang Gubat sa Kalibutan, apan gisaway niini ang Presidente sa China nga si Xi Jinping tungod sa pagkapakyas sa pagpasidungog sa papel sa Estados Unidos sa pagkapildi sa Japan.
Matod ni Trump nga nagtan-aw kini siya sa maong seremonyas tungod kay higala niya si Xi apan nasagmuyo kini sa wala pag-ila sa dakong natampo sa US niadtong panahon.
Kahinumduman nga gipangunahan ni Xi ang parada sa Beijing kauban ang Presidente sa Russia nga si Vladimir Putin ug ang lider sa North Korea nga si Kim Jong Un.
Si Xi wala direktang naghisgot sa America, apan nagpasalamat siya sa mga kaalyado nga mitabang sa China.
Sa usa ka post sa Truth Social, si Trump nagbiaybiay nga nag-ingon nga iyang gipahalipayan si Putin ug Kim Jong Un tungod kay giingong nagkunsabo sila batok sa U.S. diin gihimakak dayon kini sa Kremlin sa bisan unsang panagkunsabo.
