Temporaryo nga gibabagan sa usa ka huwes sa US si President Donald Trump sa pagdeploy sa National Guard sa Los Angeles, California, taliwala sa mga protesta batok sa giplano nga mga raid sa siyudad.
Alayon niini, gimando ni San Francisco-based US District Judge Charles Breyer sa National Guard nga mobalik ilawom sa kontrol ni California Governor Gavin Newsom nga maoy nagrekomenda nga estriktuhan ang US president sa pagdeploy og mga tropa.
Ang mando sa US judge epektibo sa udto sa Biyernes, oras sa US.
Samtang, giapela dayon sa administrasyon ni Trump ang mando sa huwes.
Kahinumduman nga una nga gimando ni Trump ang pagdeploy sa National Guard ug gisundan kini pinaagi sa pagdeploy sa mga Marines sa mga site sa pagprotesta.
Kini aron matabangan ang mga federal police forces nga bantayan ang mga building sa gobyerno sa US ug mapanalipdan ang federal immigration agents gikan sa posible nga pag-atake sa mga nagprotesta.
