Gikustodiya na sa custodial facility sa Glan Municipal Police Station ang Top 4 Most Wanted Person (Regional Level) sa kasong 7 counts QUALIFIED RAPE OF A MINOR ug SEXUAL ASSAULT (Under Art. 266-A, Par. 2, RPC).
Giila sa kapulisan ang suspek nga si alias LOLO LORENZO, 62 anyos, ug residente sa Purok Sarceno, Barangay Calabanit, Glan, Sarangani Province human nga boluntaryong nisurrender kini sa kapulisan sa maong buhatan.
Sa milabayng adlaw Marso 4, ala 01:45 sa hapon pinaagi sa joint operation malampusong na served ang warrant of arrest batok sa suspek.
Gikabutyag nga ang kasong 7 counts of QUALIFIED RAPE OF A MINOR ang walay piyansa nga girekomenda samtang ang SEXUAL ASSAULT (Under Art. 266-A, Par. 2, RPC) ang adunay piyansa nga P200,000 nga gi issue ni Hon. Fatima K. San Pedro-Eugenio, Presiding Judge sa Family Court, Branch 10, Alabel, Sarangani Province kaniadtong Enero 28, 2025.
