Mipahayag si Mamamayang Liberal Party-list Rep. Leila de Lima nga kumpyansa siya nga makakuha og 1/3 sa mga boto sa mga miyembro sa Kamara ang mga consolidated articles of impeachment batok kang VP Sara Duterte.
Kini aron mapalig-on ug mapasa sa Senado ang impeachment complaint ug masugdan ang pormal nga trial.
Matod pa niya, lig-on ang mga ebidensiya nga gipresentar sa serye sa pagdungog sa justice panel sukad pa sa unang adlaw.
Dugang pa niya, dako usab ang suporta nga 53-0 nga boto sa komite nga nagtuo nga aduna gyuy probable cause sa pagpadayon sa kaso ngadto sa trial.
Giingon niya nga ang unanimous nga desisyon sa komite nagpamatuod nga ang reklamo adunay lig-on nga basehan ug dili lang puro hungihong.
Karon, gipaabot na lang ang pagtuon sa mga miyembro sa Kamara sa gi-consolidate nga reklamo aron makaboto sila sa plenaryo.
