-- ADVERTISEMENT --
Giaprobahan sa Manila Regional Trial Court (RTC) Branch 30 ang petisyon sa piyansa sa kanhi representante sa Negros Oriental nga si Arnolfo “Arnie” Teves Jr. kalabot sa giingong pagpatay kang Pacito Libron niadtong Hunyo 2019.
Sa 27 ka panid nga resolusyon, gitakda sa korte ang piyansa ni Teves sa P500,000. Samtang, ang mga kaubang akusado nga sila si Richard Cuadra ug Rolando Pinili gitakda sa P250,000 matag usa.
Sumala sa desisyon sa korte, napakyas ang prosekusyon sa pagpamatuod nga lig-on ang ebidensya batok sa akusado.
Bisan pa niini, dili gihapon buhian si Teves.
Sumala sa iyang legal counsel, si Atty. Ferdinand Topacio, nag-atubang siya og laing lahi nga kaso.
-- ADVERTISEMENT --
