GENSAN – Nagpahinumdom ang Traffic Enforcement Unit- Gensan sa tanan nga motorista ug road users nga striktong motuman sa mga balaod sa kalsada ug magpraktis og defensive driving aron malikayan ang aksidente ug mapadayon ang kahapsay sa trapiko.
Nagpahimangno usab ang TEU-Gensan nga magpabiling alerto ang mga drayber, dili magmaneho kung kapoy o katulogon, likayan ang kalit nga pagbreak ug sigurohon nga adunay hustong distansya sa gisundan nga sakyanan.
Samtang hugot usab nga gipatuman ang pagsunod sa traffic rules ug road signs ilabi na sa mga eskwelahan, interseksyon ug maghinay ug padagan sa lugar nga daghan og tawo.
Ubos usab sa dakong pagdili ang paggamit sa cellphone ug uban pang butang nga makapa distract sa drayber ug gidasig sa TEU-Gensan ang publiko nga unahon ang kaluwasan sa mga pedestrian pinaagi sa paghatag og hapsay nga dalan sa pedestrian lane ug pagsiguro nga maayo ang kondisyon sa sakyanan sa dili pa molarga.
