Misulod na sa bag-ong hugna ang nagkagrabeng gubat sa Middle East human sa sunod-sunod nga pag-atake sa mga kritikal nga imprastraktura sa enerhiya, nga nagpatunghag dakong kabalaka sa global nga ekonomiya ug seguridad.
Kapin tulo ka semana na sukad misilaob ang panagsangka niadtong Pebrero 28 human sa hiniusang pagpamomba sa Estados Unidos ug Israel batok sa Iran, ug karon mikaylap na kini ngadto sa pag-target sa mga pasilidad sa lana ug gas.
Lakip sa naapektuhan ang South Pars gas field sa Iran, samtang mitubag usab ang Iran pinaagi sa drone attacks sa mga energy facility sa Kuwait ug Qatar.
Midangat usab ang tensyon hangtod sa Caspian Sea ug Indian Ocean diin adunay mga militar nga aksyon ug napakyas nga missile attack batok sa base sa UK ug US.
Tungod sa blockade sa Strait of Hormuz, misaka og labaw sa 50% ang presyo sa lana sa kalibutan nga miabot na sa kapin $105 kada bariles.
Kini nga kahimtang posibleng mosangpot sa pagsaka sa presyo sa gasolina, kuryente ug mga palaliton sa mga nasud sama sa Pilipinas.
