Wala palabya ni Tennis legend Rafael Nadal ang kadaugan ni Pinay tennis star Alex Eala batok sa World No. 25 Jelena Ostapenko sa Miami Open 2nd round.
Gipahalipayan dayon sa career Golden Slam winner ang Pinay star ug niingon nga dako kini nga kadaugan alang kaniya ug sa Pilipinas.
Si Eala nakahimo og laing rekord human gipatumba si Ostapenko sa iskor nga 7-6, 7-5, ug nakalangkat sa pinakadakong ‘kadaogan’ sa iyang karera sukad siya nahimong propesyonal nga tennis player.
Una niini, gipildi sab ni Eala si World No. 73 Katie Volynets sa nagpadayon nga torneyo.
Sa pagkakaron, si Eala ang pwesto sa No. 140 sa Women’s Tennis Association (WTA) Ang Latvian nga bituon nga iyang gipildi kay kanhi 2017 French Open champion. Sa pagkakaron, wala pa matino kon kinsa ang sunod niyang kontra sa nahisgutang torneyo.
