Kon ang alibangbang ang makadani kanato tungod sa nindot og klase klase nga kulay sa ilang mga pako apan sukwahi kini sa nahitabo sa usa ka teenager didto sa Brazil human kini makabsan sa kinabuhi tungod sa alibangbang.
Mipanaw ang 14-anyos nga teenager sa Vitoria da Conquista, Brazil, kung asa human mag-inject og patay nga alibangbang sa iyang batiis.
Giila ang biktima nga si Davi Nunes Moreira nga nakasinati og grabeng sakit gumikaan sa allergic reaction o impeksyon.
Giangkon sa maong batan-on nga gisagol niya ang patay nga alibangbang sa tubig og gi-turok kini sa iyang lawas isip tubag sa social media challenge.
Usa ka espesyalista sa ospital ang nag-ingon nga posibleng nakaangkon og embolism, impeksyon, o allergic reaction ang batan-on.
Ang embolism mao ang usa ka ‘blockage’ sa agianan sa dugo nga mahimong magresulta sa kalit nga pagkamatay sa biktima.
Gibutyag usab sa mga eksperto nga posibleng may hilo ang alibangbang nga nagresulta sa septic shock, usa ka kondisyon nga mahitabo kung mukatag ang impeksyon sa tibuok lawas.
Samtang ginahulat pa sa mga awtoridad ang resulta sa post-mortem aron matumbok ang ensaktong hinungdan sa iyang pagkamatay.
