Gikataho nga magpakasal sila si Taylor Swift ug Travis Kelce sa Hulyo 3 sa New York City human sa pag-file sa mga permit sa pagsira sa dalan, sumala sa usa ka report .
Nahibal-an nga adunay gi-file nga permit aron isira ang daghang mga dalan sa palibot sa Madison Square Garden gikan sa Hulyo 2 hangtod Hulyo 4 alang sa usa ka dako nga panagtapok sa Hulyo 3.
Gikataho usab nga daghang mga miyembro sa Kansas City Chiefs ang nagpareserba og mga kwarto sa hotel alang sa maong mga petsa.
Sumala sa report, usa ka kompanya sa pagplano sa kalihokan ang nangayo og permit alang sa usa ka panagtapok nga maka-accommodate og 500 hangtod 999 ka mga tawo.
Bisan pa, wala pa’y opisyal nga kumpirmasyon gikan nila ni Taylor ug Travis, gikan man sa Madison Square Garden, o sa organizer sa kalihokan bahin sa giingong kasal. Angayan nga matikdan nga gipahibalo nila ni Taylor ug Travis ang ilang engagement niadtong Agosto.
