Gihatod na sa iyang kataposang pahulayanan ang namatay nga komedyante nga si Ate Gay.
Gipaambit sa pamilya niini pinaagi sa social media ang hulagway sa puntod sa komedyante nga si Gil Aducal Morales sa tinuod niyang kinabuhi.
Makita sa litrato ang iyang puntod sa Forest Lake Memorial Parks sa Biñan, Laguna.
Kahinumduman nga namatay ang aktor niadtong Nobyembre 1 human atakihon og stroke.
Nasayran nga nadayagnos usab ang komedyante nga adunay Stage 4 cancer. Niadtong Nobyembre 2025, malipayon niyang gipahibalo nga nahuman na niya ang radiation ug chemotherapy.
Niadtong miaging bulan, nagpahigayon pa kini og “Living Funeral” diin nadungog niya ang mga mensahe sa iyang pamilya ug mga paryente samtang buhi pa siya.
Apan pipila lang ka adlaw ang milabay, gidala siya sa ospital diin mikabat sa milyones ka pesos ang iyang bayronon sa pagpaospital.
Nagsugod ang karera sa aktor sa usa ka comedy bar sa wala pa siya nakasalmot sa nagkadaiyang mga pelikula.
