Taylor Swift naghatag og $5-M nga hinabang sa mga naapektuhan sa hurricane Helene at Milton

Naghatag og kantidad nga $5 million isip donasyon alang sa mga naapektuhan sa mga hurricane Helene og hurricane Milton.

Gipaambit niini ang donasyon sa non-profit organization nga Feeding America kung asa hilabihan silang nagpasalamat sa singer.

Dili lamang kini ang unang higayon nga naghatag ug donasyon ang singer sa mga naapektuhan sa kalamidad.

Kahinumduman nga sa miaging Disyembre 2023, naghatag kini og $1-M sa mga naapektuhan sa bagyo sa Tennessee.

Gihatagan usab niini og $100,000 ang pamilya sa 44-anyos nga babaye nga namatay sa parada sa Kansas City Chiefs Super Bowl sa miaging Pebrero.