Andam na ang beauty queen nga si Gazini Ganados alang sa iyang kompetisyon sa unang higayon nga Miss Grand International All Stars human siya opisyal nga miabot sa Bangkok, Thailand.
Sa iyang unang adlaw sa pageant festivities, nag-rampa si Gazini nga nagsul-ob og phoenix-inspired ensemble nga gimugna sa Filipino designer nga si Patrick Isorena.
Mas misikat pa ang ngalan ni Gazini human siya naapil sa Top 5 sa unang Hot Picks list sa Missosology alang sa Miss Grand International All Stars competition.
Samtang, nakasulod usab sa Top 20 sa ika-11 nga puwesto ang Filipina trans queen nga si Fuschia Ravena.
Lakip sila Gazini ug Fuschia sa 59 ka kandidata nga makigkompetensya sa unang All-Star Edition sa maong international pageant. Kauban usab nila ang kapwa Filipina candidates nga sila Imelda Schweighart, Keylyn Trajano, ug Alexia Nunez.
Abli ang kompetisyon alang sa tanang kababayen-an ug trans women nga adunay edad 20 hangtod 40 anyos nga kaniadto nakatambong na sa bisan unsang international pageant.
