Swedish King Carl XVI Gustaf gikasubo ang pagpamusil sa tulunghaan; 10 ang namatay

Hilabihan nga gikasubo ni Swedish King Carl XVI Gustaf ang natigayon nga pagpamusil sa tulunghaan nga gikamatay sa napulo katawo.

Nakurat na lamang ang mga estudyante og magtutudlo sa eskwelahan nga nahimutang sa Orebro, Sweden sa insidente.

Tanan sa mga namatay ang nakaplagan sulod sa school building.

Nagtuo sila nga usa lamang ang suspek.

Wala gikonsidera sa mga kapulisan nga usa ka matang sa terorismo ang maong insidente.

Nagtuo usab sila nga posibleng usa sa mga namatay ang suspek hinungdan padayon ang pagkuha nila sa mga ilhanan sa mga nasampit.

Gikonsidera usab ni Prime Minister Ulf Kristersson nga kini na ang pinakamaduguong pagpamusil sa sulod sa sulod sa tulunghaan sa ilang nasud.