Gitakda na sa International Criminal Court ang pipila ka importanteng petsa alang sa padayon nga pag-uswag sa kaso ni kanhi Pangulong Rodrigo Duterte, nga kapin usa ka tuig nang nakakulong sa The Hague, Netherlands.
Kini human sa unang status conference sa iyang kaso niadtong Mayo 27.
Ang mga mosunod mao ang mga nag-unang petsa:
Hunyo 23 – ikaduhang status conference;
Hunyo 29 – pagsumite sa Prosecution sa ilang inisyal nga listahan sa mga testigo;
Hulyo 14 – ikatulong status conference;
Agosto 31 – cut-off sa pagsumite sa final witness list ug ebidensya sa Prosecution;
Septiyembre 28 – trial briefing para sa mga representante sa mga biktima;
ug Oktubre 30 – trial briefing para sa Defense panel.
Gilauman nga magsugod ang husay batok sa kanhi pangulo sa Nobyembre 30, 2026. Ang maong petsa mao ang ika-20 ka bulan sukad siya gidakop sa Manila.
