Dili kwalipikadong mamahimong State Witness si suspended Bamban Mayor Alice Guo sa mga nasuta nga illegal nga operasyon sa Philippine Offshore Gaming Operator (POGO) Hubs sumala sa Presidential Anti-organized Crime Commission.
Sumala ni PAOCC Spokesperson Winston Cassio nga premature pa arun i konsidera nga mamahimong state witness si Guo, tungod kay ning tumaw matud pa sa mga ebedensya nga ilahang natigom, nga derektang may kalambigitan si Guo sa mga illegal nga kalihukan sa duha ka na raid nga Illegal POGOs sa Zun Yuan Technology Incorporated sa Bamban Tarlac, ingon man sa Lucy South 99 sa may Porac sa Pampanga.
Dugang sa nasangpit nga opisyal nga si Guo matud pa ang pinaka guilty sa human trafficking ingon man scamming sa Porac ug Bamban. Alayon niini, kinahanglan matud pang less guilty ang himoong state witness sa maong kaso.
Apan sa kasamtangan, gikonsidera gihapon sa maong komisyon nga himoong state witness si Guo ugaling matudlo niini ang mas labaw pa kaniya og posisyon sa maong mga illegal nga operasyon
