GENERAL SANTOS CITY – Patong-patong nga kaso ang ipasaka batok sa suspek sa pagpamusil sa usa ka barangay kagawad didto sa Kiblat, Malungon, Sarangani Province.
Kahibaluan nga ang biktimang si Kagawad Aden Roman, 53 nga residente sa maong lugar ang anaa pa karon sa Socsargen Hospital human nga naigo sa tiyan.
Atubangon sa suspek nga si Junefer Zabala, 36, taga Lagao ning dakbayan ang kasong pagsupak sa Sec. 11(paghupot og ilegal nga droga) sa RA 9165 kon Comprehensive Dangerous Drugs Act of 2002 tungod duha ka sachet sa shabu nga narekober sa iyang posisyon, frustrated murder og ilegal possession of firearms, tungod sa paghupot og punto 45 nga kalibre sa armas.
Sa imbestigasyon sa kapulisan sa Malungon, personal nga grudge ang motibo sa krimen tungod adunay bangi ang suspek og ang biktima.
Kahibaluan, na tigayon ang pagpusil sa suspek samtang anaa sa gawas sa ilang balay ang biktima.
Apan wala damha sa suspek nga mailog sa biktima ang bitbit nga pusil hinungdan nga gitiro og naigo sa tuo nga bukton.
Nasayran nga nakadagan pa ang suspek apan nagukdan sa mga residente sa lugar og gitabangan og kulata hinungdan nga nakaangkon og mga samad ug bun-og.
Sa pagkakaron, bantay-sirado sa duha ka pulis ang suspek nga anaa nagpaalim sa Dr. Jorge P Royeca Hospital.
