GENERAL SANTOS CITY – Kaso nga murder ang ipasaka sa kapulisan batuk sa suspek nga midakdak ug kahoy nga nakapatay sa biktima nga handler ug manok igsasabong.
Kini ang giandam sa kapulisan sa San Isidro Police station batuk sa dinakpan nga nagpangalan ug Rolando Dominggo, 23 anyos, ulitawo ug laborer nga taga Purok Malinawon Bo. Bukid Jose Abad Santos Davao Occidental.
Kustudiya na sa kapulisan ang suspek human makorner sa gipahigayon nga manhunt operation ug nabawi ang celphone nga iya sa biktima.
Gisaway matud pa sa biktima nga si Loyd Bacea, 31 anyos ang suspek samtang kuyog sa usa ka babaye apan pagkabii giadtu-an sa suspek ang biktima ug iya kining gibunalan sa kahoy nga pangkalso sa ligid sa sakyanan.
Human matud pa sa gihimo nga krimen misibat ang suspek apan nailhan kini sa mga witness ug gisugilon sa kapulisan ang panghitabo ug gipahigayon ang pagpangita sa suspek hangtud natultulan sa lugar nga iyang gitagu-an.
