GENERAL SANTOS CITY – Gikumpirma ni Allan Marcella, department head sa City Environment and Natural Resources (CENRO) nga ga-apply ang Sagittarius Mines Incorporated (SMI) og clearance alang sa pagatukuron nga mga gambalay og laing pasilidad dinhi sa dakbabayan.
Matud pa ni Marcella nga kini gumikan sa dakbayan ipaagi ang ore nga ilang makuha sa minahan sa Tampakan, South Cotabato.
Sa pamahayag ni Marcella nga siya ang mitambong sa gipahigayon nga konsultasyon kung asa ipatukod ang gambalay sa Tambler.
Nasayran nga gihisgutan sa konseho ang plano nga subli nga mubalik ang operasyon sa SMI.
Nahunong ang operasyon sa open pit mining sa SMI gumikan sa pagbabag sa DENR lakip na ang daghang katawhan sa palibot sa minahan ilabi sa South Cotabato.
Kaniadto adunay gipasa nga ordinansa ang Sangguniang Panlalawigan sa South Cotabato nga gibabagan ang operasyon sa maong minahan.
