Natapos ang kampanya sa Filipina tennis star nga si Alex Eala sa Madrid Open human siya napildi ni Belgium’s Elise Mertens sa straight-sets nga duwa sa Round 2.
Sa sinugdanan sa duwa sa Court 5, nagpakita og maayong pagsugod si Eala ug nakadala pa og 40-15 nga abante sa unang game. Apan dali ra nga nibalik ang kontrol ni Mertens pinaagi sa lig-on nga depensa ug maayong pagpahiluna sa bola, nga nakahatag kaniya og break ug early advantage sa set.
Bisan pa sa paningkamot ni Eala nga mobalik sa duwa pinaagi sa agresibong pagpamusil ug solid nga serbisyo, si Mertens—nga world No. 21—nagpadayon sa iyang dominasyon gamit ang iyang kasinatian sa clay court. Natapos ang unang set 6-2 pabor sa Belgian player sulod sa 32 minutos.
Sa ikaduhang set, nagpadayon ang kontrol ni Mertens nga nakakuha og sayong abante 3-0. Bisan pa sa pagpakita og composure ni Eala ug pagkuha og usa ka game sa 1-4, dili gihapon niya makapugong ang padayon nga steady nga duwa ni Mertens.
Sa katapusan, gi-seal ni Mertens ang kadaugan sa iskor nga 6-1 aron makompleto ang straight-sets victory.
Kini nga duwa mao na ang ikaduhang engkwentro sa duha ka players sa WTA Tour, human ni Mertens nakadaog usab batok kang Eala sa Monastir sa Tunisia niadtong 2023.
