GENERAL SANTOS CITY – Sa bahin sa tiil o kamot sa suspek angay nga e-pabuto ang pusil aron ma nutralized kini.
Mao kini ang pagsaysay ni PLtC. Aldrin Gonzales tigpamaba sa General Santos City Police Office may kalabutan sa pagpusil sa grupo sa mga kapulisan sa usa ka sikad driver human niyang gidunggab gamit ug ice pick ang usa ka pulis alas 10:12 miaging kagabie, sa bahin sa Aparente Street, Barangay City Heights, GenSan.
Giila ang napusilan nga sikad driver nga si Cesar Gavino Ruelan alyas Dodong, anaa sa legal nga pangidaron ug residente sa Paparon Compound, Barangay City Heights, ning Syudad.
Samtang ang biktimang pulis mao si Police Corporal Ryan Somodio, nga na-assign sa Police Station 4.
Sumala sa blotter report gikan sa Police Station 4, nagpahigayon ug Oplan bakal/sita silang PCpl.
Ryan Somodio ug uban pang mga kaubanansa ilang area of responsibility.
Samtang anaa sa operasyon, ilang gi-pahunong ang sikad nga gimanihuan sa suspek aron unta sutaon kini susama usab sa ilang gibuhat sa ubang mga drivers.
Nasayran nga gipanaog sa mga pulis ang usa ka pasahero sa sikad apil na ang driver nga si Ruelan, ug gilayon nga gipangayuan ug lisensya apan sa wala damha nibunlot nuon kini ug ice pick inay nga lisensya ug gisulayan ug dunggab si Police Staff Sergeant Santillan.
Nakalikay si Santillan apan si Police PCpl. Somodio na usab ang giatake sa sikad driver dayon gidunggab sa kamot ug sa lawas.
Moving ang nahitabong aksyon rason nga dili na mapunting pa sa kapulisan ang tiil o kamot sa nahisgutang driver aron unta ma nutralized kini maong sa pipila ka bahin sa iyang lawas naigo ang mga bala nga gikamatay niini
