GENERAL SANTOS CITY – Wala una nagpahigayon ug sparring session si WBO welterweight champion Manny Pacquiao kagahapong adlawa.
Matud ni Assistant trainer Buboy Fernandez, gipapahulay una nilang Coach Freddie Roach ug conditioning coach Justin Fortune ang fighting senator, human kini midagan sa tungason nga kalsada sa Maasim, Sarangani kagahapon sa buntag, gawas pa nga 12 rounds sa sparring session ang gipahigayon ni Pacquiao miaging adlaw.
Una nang gibutyag ni Fernandez nga anam-anam na nilang paubsan ang rounds sa sparring sessions ni Manny, hilabi na nga nakab-ot na niini ang peak sa training.
Samtang, nanawagan si Pacquiao ngadto sa iyang mga fans nga kanunayon ang pagpaminaw sa Bombo Radyo alang sa mga nag-unang updates sa iyang pagpangandam ug training, lakip na sa mismong away nila ni Jeff Horn nga matigayon na sa Hulyo 2
