Sen. Manny Pacquiao andam musulod sa usa ka amicable settlement alang sa P2.2 B tax evasion case nga gipasang-at sa BIR

GENERAL SANTOS CITY – Andam matud pa si Sen. Manny Pacquiao nga musulod sa usa ka amicable settlement alang sa P2.2 billion tax evasion case nga gipasang-at sa Bureau of Internal Revenue (BIR).

Matud kang Pacquiao, personal choice niini nga resolbahin na ang mga kaso aron makunhuran na ang iyang mga ginaasikaso. Kahinumduman nga una nang gikahinabi sa abogado sa senador si BIR Commissioner Caesar Dulay alang sa posibleng settlement sa kaso.

Kahinumduman nga sa nakalabay’ng administrasyon, ginapabayad ni kanhing BIR Commissioner Kim Jacinto-Henares si Pacquiao ug mukabat sa P2 billion nga tax liabilities.