Gipadayag ni Senador Imee Marcos ang iyang suporta sa paglangan sa 2026 Barangay ug Sangguniang Kabataan Elections (BSKE), nga nag-insister nga ang pondo mas maayong gamiton sa mas dinalian nga mga panginahanglan sa nasud.
Sumala ni Marcos, ang gibanabana nga P16 bilyon nga badyet para sa eleksyon magamit aron matubag ang krisis sa lana ug uban pang hinungdanong serbisyo para sa mga Pilipino.
Gipasiugda usab sa senador nga ang pagpadayon sa mga serbisyo sa barangay mas importante kaysa bisan unsang pamulitika, labi na taliwala sa kasamtangang mga hagit sa ekonomiya.
Mahinumduman nga ang BSKE nalangan sa makadaghang higayon sa miaging mga tuig. Niadtong 2023, kini gilangan gikan sa Disyembre ngadto sa Oktubre 2023, ug gibalhin sa 2026.
Ang mga sugyot sa paglangan kasagaran gibase sa panginahanglan sa paggahin og pondo para sa mas dinalian nga mga programa sa gobyerno.
Sa pagkakaron, ang presyo sa lana ug uban pang mga batakang palaliton nagpabilin nga taas tungod sa panagbangi sa Middle East, hinungdan nga daghang mga magbabalaod ang nagsugyot sa pag-realign sa pondo para sa mga programa nga makatabang sa katawhan.
