Kumbinsido si Senador Risa Hontiveros nga dili makahawa ang na-dismiss nga mayor sa Bamban, Tarlac nga si Alice Guo kung walay mitabang kaniya nga mga opisyales sa gobyerno.
Sa privilege speech sa senador atol sa Senate session kagahapon, gipahibalo niini nga niadtong Hulyo 17 mibiya sa nasud si Guo paingon sa Kuala Lumpur, Malaysia gamit sa iyang Philippine passport, base sa nakuha nga inpormasyon sa National Bureau of Investigation (NBI).
Apan duda si Hontiveros nga adunay mitabang kang Guo kung asa angayang kining imbestigahan.
Gibutyag sa senadora nga gipasalig kaniya sa Bureau of Immigration nga dili nila pasagdan si Guo Hua Ping nga makabiya sa Pilipinas.
Subay sa tinubdan sa senador nga gikan sa Malaysia milabang sa Singapore si Guo aron sa pagtambong og reunion uban sa iyang pamilya uban sa iyang amahan Guo Jian Zhong, inahan Lin Wen Yi, igsuon nga lalaki Wesley Ong, ug Cassandra Ong.
Ang maong mga pangalan una nang mitumaw isip authorized representative sa gironda nga Philippine Offshore Gaming Operators (Pogo) hub sa Porac, Pampanga ang Lucky South 99.
Sa miaging semana, ang buhatan sa Ombudsman ang nagmando sa pag-dismiss kang Guo sa iyang katungdanan human nasuta nga guilty sa kasong grave misconduct gumikan sa iyang pagkalambigit sa illegal Pogo.
