Nagpagawas ug pamahayag si President Ferdinand Marcos Jr. human sa pagpamusil sa Senado kagabie . Matod niya, dili gobyerno ang responsable sa insidente ug wala sab siyay gimando nga dakpon si Senador Ronald “Bato” dela Rosa.
Matud niya nga ang mga armadong tawo nga nakita sa lugar kay regular security personnel ra sa Senado sama sa PNP, Marines, ug Senate Sergeant-at-Arms. Nakig-koordinar dayon siya kang Interior Sec. Jonvic Remulla ug sa NBI aron masuta ang sitwasyon.
Sa kasamtangan nagpadayon ang imbestigasyon sa Senado ug PNP aron mahibal-an kung kinsa gyud ang responsable sa nahitabo ug kung adunay nagtinguha sa paghimo ug kagubot o destabilization.
Dugang pa niini nga walay casualties sa maong panghitabo ug luwas ang tanang senador ug kontrolado na ang sitwasyon. Gihangyo usa ni Pres. Marcos ang publiko nga magpabiling kalmado ug mosalig sa gobyerno
