-- ADVERTISEMENT --
Gipakusgan sa Department of Education o DepEd-General Santos City ang seguridad sa mga tulunghaan aron mapugngan ang pagpasulod og armas ug uban pang deadly weapons sulod sa eskwelahan.
Gikinahanglan ang mas hugot nga security measures aron masiguro ang kaluwasan sa mga estudyante, magtutudlo, ginikanan ug school personnel.
Padayon usab ang koordinasyon sa DepEd ug kapulisan alang sa pagpalig-on sa seguridad sulod ug palibot sa mga tulunghaan.
Tutukan usab sa DepEd-GenSan ang papel sa mga guidance advocate aron matabangan ang mga estudyante nga nakasinati og bullying, ingon man kadtong nalambigit sa pagpang-bully.
Tumong sa maong mga lakang nga malikayan ang mga insidente sa kapintasan ug mapabiling luwas ang mga tulunghaan sa dakbayan.
-- ADVERTISEMENT --
