GENERAL SANTOS CITY – Gikalipay sa mga opisyal sa Sarangani sa gipagawas nga data sa Department of Tourism (DoT) Region 12 nga nag-una ang ilang lugar sa tibook rehiyon 12 sa tourist arrivals.
Kini base sa Ist Semester Day Tourist Arrival Report gikan Enero hangtud Hulyo karong tuiga.
Segun ni April Marjorie Purisina, ang tourism officer sa probinsya nga ilang gikalipay ang maong report nga gipagawas sa DoT sulod lang sa unom ka bulan karong tuiga
Miabot sa 857,241 ka mga indibidwal ang natala nga mibisita sa mga tourism spots sa Sarangani.
Gisundan kini sa North Cotabato nga adunay 432, 320 tourist arrival.
Ikatulo ang Gensan anaa sa 362, 133, ikaupat ang South Cotabato ang mukabat sa 343,523, ikalima ang Kidapawan City nga anaa sa 235,712 ang tourist arrivals.
Kahibaluan nga gikan tuig 2016, 2017 ug 2018 ang Sarangani Province ang maoy gideklara sa DoT nga number 1 tourist destination sa Region 12.
