Nagpaila lamang nga adunay gayoy buaya human madeskubre ang salag sa Philippine Crocodile (Crocodylus mindorensis) sa Philippine Crocodiles ug Asian Waterbirds Census Monitoring Site sa Barangay Cuyapon, Kabacan, Cotabato kaniadtong Hunyo 17-19, 2024.
Kini ang gibutyag ni DENR-12 Gawad Kalikasan awardee Bapa Babay usa ka Crocodile conservationist. Gamit ang pump boat naabut sa DENR Wildlife Enforcement Officers (WEO) ang crocodile sanctuary nga nahimutang sa marshy area luyo nga walay nakita nga buaya sa lugar .
Sa maong lugar makita ang lungag nga itluganan sa mga buaya nga ilhanan nga naa lamang sa palibut ang mangtas nga mananap. Taas ang lugar nga dili maabut sa tubig samtang naobserbahan ang mga gagmay nga buaya palibut sa sanctuary.
Sulod sa tulo ka adlaw nga monitoring sumala kang Bapa Babay wala sila makakuha ug solido nga hulagway sa buaya apan malaumon nga mapreserba ang endangered species ug ang ilang pinuy-anan.
Kasagaran sa mga presko nag tubig, pond ug marsh makita ang Philippine Crocodile (Crocodylus mindoresis) nga gikonsidera nga usa sa pinaka endangered nga buaya .
Sumala sa International Union for Conservation of Nature and Natural Resources (IUCN) nga ang endangered species sukad niadtong 1982 hangtud 1996 apan nausab ang iyang klasipikasyon ngadto sa critical endangered tungod nagkanihit ang iyang gidaghanon nga anaa lamang sa 85-94 porsyento kaniadtong 2012.
