Nagpabilin nga nag unang hinungdan sa kamatayon sa Pilipinas mao ang ischemic heart , sumala sa Philippine Statistics Authority (PSA).
Kini nga sakit, nga nailhan usab nga coronary heart disease, nagtumong sa usa ka kondisyon diin ang mga ugat sa kasingkasing nga nagsuplay sa dugo sa kaunoran sa kasingkasing mahimong nipis.
Niabot kini sa 96,049 ka kaso o 19.3 porsiyento sa namatay sa Pilipinas gikan Enero hangtod Nobyembre 2024.
Samtang, ang mga neoplasma maoy ikaduhang nag-unang hinungdan sa kamatayon sa Pilipinas, nga adunay 55,105 ka kaso o 11.1 porsyento sa kinatibuk-ang nangamatay sa samang panahon.
Ang mga neoplasma maoy abnormal nga pagtubo sa tisyu nga mahimong kanser o dili.
Ang ikatulo nga nag-unang hinungdan sa kamatayon mao ang cerebrovascular disease, nga adunay 49,349 ka kaso o 9.9 porsyento sa kinatibuk-ang nangamatay.
Kini usa ka kondisyon nga makaapekto sa mga ugat sa dugo sa utok.
Ika-upat ang pulmonya nga adunay 33,040 ka kaso (6.6 porsyento), gisundan sa diabetes mellitus nga adunay 31,321.
