Gipaambit ni content creator ug negosyante Rosmar Tan ang masakitong balita nga nawala ang iyang ika-upat unta nga anak nila sa bana nga si Jerome Pamulaklakin.
Matud niya, mihunong ang paglambo sa fetus sa unom ka semana ug wala na’y heartbeat base sa resulta sa ultrasound. Gipasabot ni Rosmar nga naglaom pa unta sila nga madungog ang tibok sa kasingkasing sa ilang anak ug mahibal-an ang gender niini.
Gipanghimakak usab niya ang mga alegasyon nga iya kunong gipalaglag ang iyang gisabak, ug gihagit ang mga nagpasangil nga ipakita ang ebidensya kung tinuod man kini.
Matud ni Rosmar, gibuhat niya ang tanan aron mapabilin ang iyang baby lakip na ang pag-inom og pampakapit bisan pa sa mga epekto niini sa iyang lawas. Gihangyo niya ang publiko nga undangon ang pagpakaylap og bakak nga impormasyon batok sa iyang pamilya.
