Giawhag ni kanhi Presidential Spokesperson Harry Roque ang tulo ka magsuong Duterte nga magpa-drug test aron mapakita ang tinuod nga liderato.
Si Roque nagsulat og ‘open letter’ ngadto kang Bise Presidente Sara Duterte, nga nagsugyot nga siya ug ang iyang mga igsuon nga sila si Davao Rep. Paolo Duterte ug Davao City Mayor Baste Duterte ipaubos sa hair follicle drug test.
Kahibaluan nga bag-o lang misang-at og balaudnon si Rep. Paolo Duterte nga nagtinguha sa pagpa-drug test sa presidente ug sa ubang mga opisyal sa gobyerno sa nasud isip usa ka accountability measure.
Ang gisugyot nga random drug tests pinaagi sa hair follicle ug urine sample ipahigayon matag unom ka bulan.
Ang drug test bill miabut human ang Bise Presidente mipaambit sa pipila ka mga tip sa pagpangulo lakip na ang dili pagdasig sa “cash, cocaine o champagne.”
Nag-viral sa social media ang video nga nagpakita sumala pa sa Presidente nga naggamit og ilegal nga drugas.
Gibutyag sa mga otoridad ang video clip nga peke matod pa nga nagdaot sa Presidente.
