Rollback sa presyo sa mga produktong lana epektibo ning adlawa

Dungan ang mga kumpanya sa lana nga nagpatuman og rollback sa ilang produktong petrolyo.

Kaganihang alas-6:00 sa buntag dihang gipatuman ang P1.15 nga pagkunhod sa presyo sa matag litro sa gasolina.

Samtang ang diesel adunay P1.90 nga bawas sa matag litro og ang kerosene usab adunay P1.85 nga pagkunhod sa matag litro.

Matod kang Energy Assistant Director Rodela Romero nga ang rason sa rollback sa presyo sa mga produktong lana mao ang mihinay nga demand sa fuel sa tibuok kalibotan og ang milig-on nga peso kontra sa US dollar.