Magkinahanglan ang Department of Agriculture (DA) og dugang P40 bilyon nga pondo kon magpadayon ang krisis sa lana.
Sumala ni Agriculture Secretary Francisco Laurel Jr., ang ahensya aduna lang P150 milyon para sa fuel subsidy ug P10 bilyon gikan sa Presidential Assistance to Farmers and Fishermen.
Kon bahin sa abono, siya miingon nga P30 bilyon ang gikinahanglan. Sa pagkakaron, sumala sa kalihim, ang ilang pondo para sa abono katunga na lang.
Miingon usab siya nga ang DA nagkinahanglan og dugang P20 bilyon para sa mga mag-uuma og humay ug dugang P10 bilyon para sa pagsuporta sa mga mangingisda.
Gibanabana kaniadto sa DA nga ang minimum nga kapildihan sa mga produkto sa agrikultura moabot sa 20% o katumbas sa duha ka milyon nga metriko tonelada, diin kulang pa ang interbensyon sa gobyerno aron matubag ang epekto sa krisis sa lana.
