Usa ka talagsaon nga personalidad ang mihatag sa keynote speech sa graduation ceremony sa University of Maryland karong tuiga tungod kay ang paborito nga karakter gikan sa Muppets, Kermit the Frog, giimbitar aron maghatag ug inspirasyon sa Class of 2025.
Ang Kermit the Frog usa ka sikat nga puppet nga karakter gikan sa Muppets nga gimugna ni Jim Henson ug nailhan nga simbolo sa kaalam, kabuotan ug positibo nga panglantaw sa kinabuhi.
Atubangan sa gatosan ka bag-ong migradwar, giangkon ni Kermit nga dili sayon ang pagtungtong sa tinuod nga kalibotan, ilabina sa panahon nga puno sa ekonomikanhon ug politikanhong mga hagit.
Apan imbes nga mag-away aron makab-ot ang kalampusan, iyang gitambagan ang mga graduates nga magtinabangay.
Ang presensya ni Kermit dili bag-o sa University Maryland.
Ang iyang creator nga si Jim Henson, migraduwar sa maong unibersidad kaniadtong 1960, ug si Henson ug Kermit adunay mga estatwa sa campus agig pag-ila sa ilang mga kontribusyon sa arts ug kultura.
Sa paghimo sa pahibalo, ang presidente sa unibersidad nga si Darryll J. Pines miingon nga ang mensahe sa paglaum ug panaghiusa nga gidala sa sikat nga Muppet tukma sa panahon, labi na nga ang mga graduates nagsugod sa usa ka bag-ong yugto sa ilang kinabuhi.
