GENERAL SANTOS CITY- Angay nga atubangon ni Corporal Alfred Sabas ang mga kaso nga nahimo sa pagpatay sa gwardiya nga si Reynaldo Bigno Jr, ug pagpusil ug pagkaangol sa duha ka Pulis nga nadestino sa border control point sa Opon, Magsaysay Davao del Sur.
Matud ni PRO 12 OIC Regional Director Police Brig General Arnold Ardiente nga nasubo siya sa gidangatan ni Corporal Sabas apan daan ng nagbutyag nga dili magduha duha nga silotan ang mga badlungon niini nga sakop.
Gani mitunol ug simpatiya si General Ardiente sa pamilya sa namatay nga gwardiya lakip sa duha pa ka Pulis nga nagpaayo sa mga samad nga naangkon.
Gibutyag sa Opisyal nga hatagan sa hustisya ang mga biktima samtang atubangon sa nakapusil nga Pulis ang nga sala nga nahimo.
Nasuta nga nagpositibu sa drug test ang suspek nga Pulis nga kustudiya karon sa Magsaysay Municipal Police station sa Davao del Sur.
Kahinumduman nga si Corporal Alfred Sabas ang nadestino sa Special Drug Enforcement Unit sa Fatima Police Station ning syudad.
