-- ADVERTISEMENT --
GENERAL SANTOS CITY-Gipusil-patay sa wala pa mailhing responsable ang usa ka pulis nga bitbit unta ang iyang promotion papers.
Matud kang Police Senior Superintendent Franklin Alvero sa South Cotabato Provincial Police Office, gideklarang dead on arrival sa balay-tambalanan si PO2 Charlie Leyva sa Surallah Municipal Police Station.
Kini human mapusilan gamit ang caliber 45 pistol sa atay ang biktima.
Dugang pa ni Alvero, sakay ang biktima sa iyang motorsiklo ug paingon unta sa Police Regional Office -12 dinhi sa Gensan, apan pag-abot sa national highway sa Tupi, South Cotabato, gipusil kini sa suspek.
Padayon pa ang imbestigasyon sa kapulisan kalabot sa insidente.
-- ADVERTISEMENT --
