GENERAL SANTOS CITY – Gipasalig sa PRO12 nga mamahimong hapsay ang umaabot nga piniliay sa rehiyon.
Matud usab ni PCol. Nicomedes Olaivar ang labaw sa kapulisan sa Gensan nga klaro ang mensahe nga gipakita sa kapulisan pinaagi sa pagpresenta sa mga nakumpiska nga laing-laing matang sa armas atubangan ni Comelec Chairman Atty. George Erwin Garcia dungan sa pagtambong niini sa 2nd Regional Joint Security Control Center Conference nga gipahigayon sa Covered Court, sa PRO 12, Tambler, General Santos City gakahapong adlawa.
Matod ni Atty. Garcia, ang Rehiyon 12 sa kinatibuk-an malinawon matag may eleksyon mao nga halos tanang barangay anaa sa green category nga nagpasabot nga hapsay ang pinliay.
Gidugang usab ni Comelec Chairman Atty. George Erwin Garcia nga nakatutok usab sila sa pagpasaka ug kaso sa mga nakalapas sa regulasyon sa eleksyon hilabi na ang multiple registration.
