Gipahinumdoman sa Police Regional Office 12 o PRO 12 ang mga ginikanan nga bantayan pag-ayo ang online activity sa ilang mga anak aron malikayan ang mga hulga sa ilang kaluwasan.
Sumala ni P/BGen. Allan Manibog, Regional Director sa PRO 12, gigamit sa pipila ka online groomers ang mga online games ug computer platforms aron duolon, maimpluwensyahan ug ma-exploit ang mga menor de edad.
Gidasig ni Manibog ang mga ginikanan nga siguruhong luwas ug dili ma-access sa mga bata ang mga armas pinaagi sa pagtipig niini sa secured storage o vault.
Gipangayo usab ang mga ginikanan nga bantayan ang mga apps ug online interactions sa ilang mga anak ug istoryahan sila bahin sa cyberbullying ug mga hulga sa internet.
Samtang, gipahinumdoman ang mga estudyante nga dili i-repost ang mga hulga nga ilang madawat online, hinuon kuhaan kini og screenshot ug ipahibalo dayon sa ginikanan, maestro o kapulisan.
Mahimo usab nga i-report ang maong insidente pinaagi sa Unified 911 aron mas paspas ang pagtubag sa kapulisan
