Padayon ang pagsipa sa presyo sa mga nag unang mga palaliton susama sa pipila ka utanon ug mga karne karong bisperas na sa pasko. Nisaka ang presyo sa pipila ka mga karne susama sa baboy nga P10 hangtod P20 ang gisaka matag kilo.
Ang liempo ang anaa na sa P420 ang kada kilo nga anaa lang sa P380 ang kada kilo sauna, Ribs nga P300 ang kada kilo, Kasim nga P330 ang kilo, ug Pata nga P300 ang kada kilo.
Sa manok ang anaa sa P210 ang usa ka tibuok niini ug kung choice cut sa karne ang P360 hangtud P420 ang kada kilo.
Samtang sa karneng baka kinahanglan nga anaa sa P360 hantud P420 ang imohang budget.
Gipasabot sa pipila ka mga vendor nga ang pagsaka sa presyo sa karne tungod usab sa pagsaka sa ilang gikuha-an gikan sa mga suppliers.
Samtang ang presyo sa mga utananon susama sa gulay , ang repolyo ang anaa sa P40 ang gisaka nga mapalit sa P180 ang kada kilo sauna, Carrots nga P180 ang kada kilo, Atsal nga pula ang P600 ang kada kilo, Green nga atsal P500 ang kada kilo, Baguio beans nga P240 ang kada kilo .
Nagpabiling P160 ang matag kilo sa ahos samtang ang presyo sa Sibuyas misaka og P20 nga mapalit sa P140 matag kilo, Kamatis ngadto sa P240 ang kilo samtang sa Siling labuyo makapalit ug unom ka buok sa P20 ug P900 ang matag kilo niini.
