Gipaabot ang laing dako nga pagsaka sa presyo sa produktong petrolyo sa sunod semana tungod sa nagpadayong krisis sa Middle East.
Posibleng mosaka og P10.50 hangtod P11 kada litro ang diesel, samtang ang gasolina mahimong mosaka og P4.50 hangtod P5 kada litro.
Samtang, mialma na ang mga motorista sa pagtaas sa presyo sa gasolina tungod sa epekto niini sa ilang panginabuhian.
Matod sa Department of Energy o DOE, ang pagsaka sa presyo sa petrolyo tungod sa nagpadayong krisis sa Middle East, diin sumala ni Energy Secretary Sharon Garin, wala pa makita nga mahuman kini sa dili madugay.
Matod sa DOE, ang Dubai crude oil milapas sa $100 kada bariles gikan Agosto 13 hangtod Septiyembre 11.
Ubos sa balaod, kinahanglan nga mokabat sa kasagarang kantidad sa $80 kada bariles ang Dubai crude aron mahimong basehan sa pagsuspenso sa excise tax.
Ang gahum sa pagsuspenso sa excise tax anaa sa Presidente, apan sumala sa Palasyo, wala pa’y desisyon kung kanus-a o kung suspindihon ba kini.
