Wala pa makapili si President Ferdinand Marcos Jr. og bag-ong hepe sa Pambansang Kapulisan nga ihulip ni PNP Chief Rommel Francisco Marbil, kansang termino gilugwayan lang tungod sa piniliay.
Matod sa Malacañang sa umaabot nga mga adlaw ila nang ipahibalo kon duna bay gipili si Presidente Marcos.
Matod ni Palace Press Officer USec. Si Claire Castro niingon nga karong panahona wala pay impormasyon kalabot sa kung kinsa ang itudlo ni Presidente Marcos nga mopuli ni Marbil.
Lakip sa mga prominenteng pangalan isip lig-on nga contenders mao ang 3-star Generals lakip na si LtGen. Jose Melencio Nartatez nga giingong suod nilang Senador Imee Marcos ug CIDG chief MGen. Nicolas Torre III.
Nabantog ang pangalan ni Torre nunot sa mga sensitibong operasyon nga iyang gipangulohan sama sa pagkasikop nila ni Pastor Apollo Quiboloy ug kanhi Presidente Rodrigo Duterte.
Si Castro namahayag nga maayo ug dunay integridad ang nahisgutang mga pangalan, apan mas maayong hulaton na lang niya ang pahibawo ni Presidente Marcos bahin niini.
