“No comment” ang tubag ni Pangulong Ferdinand Marcos Jr. sa dihang gipangutana bahin sa isyu nga giatubang karon ni Vice President Sara Duterte, human ma-isyu sa Quezon City Regional Trial Court ang warrant of arrest batok sa bise presidente tungod sa tulo ka ihap sa grave threats.
Niadtong Septiyembre 4, nakit-an sa QC RTC Branch 98 ang probable cause aron ipadayon ang kaso batok kang VP Sara ug gimando ang pag-isyu sa warrant of arrest.
Apan gilayon kining nagpiyansa og ₱360 sa tulo ka kaso.Ang kaso nag-ugat sa mga pamahayag ni Duterte atol sa usa ka online press conference niadtong Nobyembre 23, 2024, diin iyang giingong nakigsabot siya sa usa ka tawo aron patyon si Pres. Marcos, First Lady Liza Araneta-Marcos ug kanhi House Speaker Martin Romualdez kung adunay mahitabo kaniya.
Gipasabot usab ni Duterte nga ang iyang mga pulong wala niya tuyoa isip hulga ug giingong gikuha kini sa konteksto.Samtang, ang Malacañang mipahayag nga ilang gitahod ang desisyon ug mando sa korte.
