Giangkon ni Pang. Ferdinand Marcos Jr. nga na-pressure si Pastor Apollo Quiboloy tungod sa presensiya sa mga otoridad sa iyang giataguan.
Tungod niini napugos si Quiboloy nga musurender, apan gihangyo niini nga mga sundalo gikan sa Intelligence Service of the Armed Forces of the Philippines (ISAFP) ang mukuha kaniya tungod wala siyay salig sa mga kapulisan.
Matud kang Pang. Marcos, updated siya sa panghitabo kang Quiboloy hinungdan misugot siya nga sundalo ang mukuha sa pastor.
Gisiguro sa presidente nga walay special treatment sa KOJC leader.
Gipangutana usab sa pangulo kung aduna nay request ang US alang sa extradition ni Quiboloy.
Sumala sa Presidente sa karon dili pa prayoridad ang extradition ni Quiboloy.
Gihingusgan niya, tutukan una ang mga kasong giatubang sa pastor sa Pilipinas.
