Preparasyon sa parokya sa Santo Niño de Bula sa matigayon nga kapistahan sa Enero 15, gisugdan na

GENERAL SANTOS CITY – Hugot na ang gihimong preparasyon sa parokya sa Santo Niño de Bula og sa Barangay Council sa matigayon nga kapistahan sa Enero 15, 2023.

Matud pa ni Dexter Forro, Administrator sa Barangay Bula nga apil sa gihisgutan ang ipahigayon nga fluvial procession nga maoy giatangan sa kadaghanan.

Hinoon wala pay pinal nga desisyon kung sa parehong rota ipahigayon. Sa mga gusto nga mutambong sa misa adunay 10 ka misa nga matigayon sugod sa kaadlawon hangtud sa gabii.

Gihingusgan niini nga ang concern kaayo sa barangay council mao ang kahapsay og kalinaw og ang trapiko nga dili malangan ang mga residente.

Tungod niini may ipahigayon nga rerouting og dili tanang mga sakyanan ang makasulod sa sentro sa barangay.