Gipahayag ni South Cotabato Governor Reynaldo S. Tamayo Jr. nga grabe ang giingong “brainwashing” sa panghunahuna sa mga bata, may kalabotan sa giingong grupo nga ginasusi nga nalambigit ang suspek sa pagpamusil sa Banga National High School.
Sa eksklusibong interview sa Bombo Radyo Koronadal, giingon ni Tamayo nga kinahanglan nga masusi pag-ayo ang maong grupo ug ang posibleng impluwensya niini sa mga kabatan-onan.
Matod sa gobernador, importante nga masubay ang mga kalihokan sa mga kabataan ilabina sa ilang mga giapilan o ginasubay online, aron malikayan ang mga impluwensya nga mahimong makadaot sa ilang panghunahuna ug pamatasan.
Padayon pa ang imbestigasyon sa mga otoridad aron mahibal-an kung adunay tinuod nga kalambigitan ang maong grupo sa insidente sa pagpamusil sa eskwelahan.
Gipahinumdoman usab ang mga ginikanan ug mga responsable sa kabataan nga mas hatagan og pagtagad ang ilang mga anak ug ang mga kalihokan niini aron sayo nga matubag ang bisan unsang makapabalaka nga mga timailhan
