Pope Francis, nagpakita og improvements sa panglawas–Vatican

Padayon ang pagmaayo sa kondisyon sa panglawas ni Pope Francis sa pakigbatok niini sa pneumonia.

Sumala sa Vatican, nakaangkon og improvements ang iyang kidney.

Bisag wala na kini nakaangkon og problema sa pagginhawa, nakabutang gihapon ang iyang oxygen.

Makaistorya matod pa kini sa mga staff sa Vatican og normal kining nakakaon.

Kini na ang ika-13 nga adlaw sa 88-anyos nga Argentinian Pope sa ospital nga maoy pinakadugay nga pagtinir niini sa balay tambalanan sukad nga mipungko siya sa puwesto dose ka tuig na ang nakalabay.

Pipila ka gatus katawo ang mitambong sa prayer vigil sa St. Peter’s Square para maghalad og pag-ampo sa paspas nga pag-ayo sa Santo Papa.