Nagasuspetsa si Senator Risa Hontiveros nga adunay mga opisyal sa gobyerno nga nagatabang sa “big boss” sa Philippine Offshore Gaming Operator (POGO) nga si Lin Xuhan ukon si Lyu Dong aron nga mapalambo niini ang iyang network dinhi sa Pilipinas.
Sumala kang Hontiveros, bisan pa nga usa ka daku nga kadaugan ang pagkaaresto kang Lyu, angayang magpabilin gihapon nga vigilante ang mga otoridad.
Importante nga matumbok ang Filipino associates niini sumala sa senadora tungod sa kadaghan sa POGO hub nga gina-operate niini sa nasod, imposible nga mahimo niya kini nga walay tabang gikan sa gobyerno.
“Sa dami ng mga in-operate na POGO hub ni Lyu Dong, hindi niya ito pwede nagawa ng walang kumanlong na kawani ng gobyerno. I hope that we can also identify the Filipino associates of Lyu Dong,” kabahin sang statement sang senadora.
“There are bigger bosses out there. Dapat natin silang mahuli, at dapat silang managot sa kanilang mga krimen laban sa napakaraming inosenteng tao,” dugang sini.
Kahinumduman nga gireport sa Presidential Anti-Organized Crime Commission (PAOCC) nga nadakpan si Lyu og ang uban pa nga Chinese nationals sa usa ka residential subdivision sa nakalabay nga gabie.
Sumala kang PAOCC chief Usec. Gilbert Cruz, napailawom na sila sa inquest proceedings, magpabilin una si Lyu sa ilang kustodiya, samtang ang uban usab ang ipa-deport.
Kinahanglan huptan sumala niini si Lyu tungod nalambigit na kini sa POGO hub nga Lucky South 99 sa Porac, Pampanga nga ginakaulamiran usab ni Cassandra Li Ong og ang Pogo hub nga Hongsheng Gaming Technology (Zun Yuan Technology) sa Bamban, Tarlac nga nalambigit usab si dismissed Mayor Alice Guo.
Sumala sa PAOCC, si Lyu ang nakaabot sa Pilipinas dihang 26-anyos pa lamang ang iyang edad og sa pagkakaron naga-edad na kini og 39.
Si Lyu nga nahimugso sa Fujian, China ang nailhan usab sa alias nga Bogo, Boga, Xiao Long, Apao, Pahao, og Hao Hao nga buot pasabot Boss of the Boss.
Adunay presensya usab kini sa mga syudad sa Metro Manila sama sa Pasay, Parañaque, Manila, og Makati, og naga-operate usab sa Ilocos Sur sa northern Philippines og Cebu sa Central Visayas.
