Giklaro sa Philippine Olympic Committee (POC) ug National Golf Association of the Philippines (NGAP) nga ang uniporme nga isyu sa Filipina golfers nga sila si Dottie Ardina ug Bianca Pagdanganan sa ilang kampanya sa 2024 Paris Olympics nagsumikad sa problema sa logistical.
Sa usa ka video nga nikatap sa social media, si Ardina nipadayag sa iyang kasagmuyo sa ilang uniporme.
Sa usa ka pamahayag, ang POC nagkanayon nga ang opisyal nga sponsor sa uniporme sa delegasyon sa Pilipinas nagpadala og pasiunang disenyo sa uniporme sa golf apan wala kini aprobahi.
Sumala sa komite, ang giusab nga disenyo gipadala lang usa ka semana sa wala pa ang pag abri sa seremonya kaniadtong Hulyo 27.
Gidugang sa POC nga gihatag usab ang ilang mga uniporme nga gipalit sa Paris, apan sila si Ardina ug Pagdanganan mipili sa pagsul-ob sa ilang gidala nga mga sinina.
Gihatagan og gibug-aton sa POC nga walay kurapsyon ug nasubo usab sila sa pagkadungog sa balita, ug ang isyu nga ilang giingon nga usa ka isolated nga kaso.
